#الديداكتيك ….المهم هي ماشي شي حاجة صعيبة لذلك غانحاول فهاد المنشور نبسط عليكم الخدمة انطلاقا من تجربتي المتواضعة فالميدان. 1) نبداو مع النشاط العلمي بلاما تكثرو عليكم الخدمة غاتمشيو تخدمو جذاذة وحدة و اللي يكون فيها منهج التقصي و ديداكتيك النشاط العلمي فالغالب اما كيطلبو منك #جذاذاة تصوبها أو تصوب جزء منها او كيعطيو أسئلة فرعية آللي أصلا كتكون فالجذاذة مثلا ماهي أهداف الدرس و المراحل.. ؟ و هكذا.. يعني تخدم جذاذة وحدة و تضبط المراحل ديالها و كل مرحلة أش كنديرو فيها صافي هانتا ضبطتي ديداكتيك النشاط العلمي و حاولو تخدمو ديما جذاذات مختصرة حيت الوقت اللي عاطينكم فالامتحان لايسمح باش تبقا تتعمق و النشاط العلمي كيتخدم بجذاذة وحدة نمطية يعني كيختلفو غي الدروس أما المراحل الكبرى هي هي 2) #ديداكتيك الرياضيات هو تعرف فيه المراحل ددرس الرياضيات شنو هوما بالضبط و شنو فكل مرحلة كنديرو راه كاين خمس مراحل و كل مرحلة فحصة كاين التمهيد البناء الترييض التقويم الدعم و تحاول تخدم المعارف فيها و خاصة التناسلبية و المضاعفات و النظمة و تفهم الفرق بين التمارين الرياضية و بين المسائل و تعرف أدوار المتعلم و أدوار المعلم و تعرف الصعوبات و كيفية معالجتها.. فالغالب كيتحطو أسئلة مباشرة يعني خصك ضبط غير القواعد مزيان 3) ديداكتيك العربية تخدم جذاذة د القراءة الوظيفية و التراكيب و الإملاء و التعبير الكتابي و الصرف و التحويل الاستماع و التحدث كملاحظة ( المستوى الأول و الثاني نفس المراحل و نفس المنهجية . المستوى الثالث بوحدو بالمراحل دياولو و المنهجية ديالو . المستوى الرابع و الخامس و السادس نفس المراحل و نفس المنهجية . لذلك خدم 3 الجذاذات فكل مكون كيختالفو غير الدروس حيث متعرف اشمن مستوى ايتحط فالامتحان … 😊 و حاولو تختصرو يعني خدمو شي حاجة مختصرة باش تعقلو عليها و تطبقوها حيت وقت الامتحان لا يرحم4) #ديداكتيك الفرنسية آللي قلناه على العربية تقريبا يتقال على الفرنسية جذاذة د lecture بالدرجة الأولى تعرف الأهداف والمراحل و الخطوات مع اختلاف النصوص و جذاذة اما Grammaire / conjugaison / lexique / orthographe. هاد المكونات عندهم نفس المراحل و ركزو على grammaire بالتوفيق للجميعالاستعداد لمباراة التعليم و كل ما يخص المستجدات ✓ الاستعداد لمباراة التعليم

November 1, 2023