المدونة الشاملة

طَـوَّيْنا العُمُـرْ والدُّنْيا عَـوافِـي
سِنينٍ عِجافٍ ما كانْ بِها خِلافِي

نَشـــوفْ عِجافَهـا كأنَّها سِمان
ونَعيــشْ سِمانَها مِثل العَجافِي

إذا ضــاقَـتْ نِخلّيهــا وِســاع
كانْ أبــوابَهـا صَــدْرِ السَّنــافِي

ألا يــا الله علـى دارِ الحَبــايِـب
مَطَــرْ هَتّـان يَــروي كُلّ عـافِـي

على الجِدْعـان حِمْيانِ الطَّوارِف
يَــرُدّوا مِن غَــزا مَــرْجِلْ وحافِي

إذا الأَشْــوار ضاعَــتْ والمَواقِف
بِنــي عَمّــي تَــوَفّي كُلّ هــافِـي

لَهــم بَيــن القَبــائِل عِلم زِيــن
ومِنْ مِنّا حَضَــر يَكفــي وكــافِي

تِطــول الحَــرب ولا مـا تِـطـول
جَرّبنــاها وكـان العِلــم شــافِـي

على مَــذهب قَـوِيّيــن العَــزايم
حَمَينــاهــا وعـاد الــرّاس دافِـي

بِفَضــلِ الله.. وأهل الــرّأي فينــا
مُــوحَّد صَفَّنـا والحَـوض صـافِـي